Мемлекет басшысының тапсырмалары бойынша ұсыныстар дайындау басталды

Мемлекет басшысы Үкіметке әсіресе еліміздегі шикізат өндірудің негізгі көзі болып табылатын батыс өңіріндегі халықтың табысын ұлғайту жөнінде шаралар кешенін әзірлеуді тапсырды.
Халық табысының өсуі ең алдымен өңірдегі бизнестің жай-күйімен тығыз байланысты. Сондықтан облыс әкімі өзінің Facebook-тегі парақшасында жергілікті ғалымдарды, кәсіпкерлерді, экономистерді БҚО-дан Үкіметке ұсыныстар дайындауда кәсіби тұрғыдан көмек көрсетуге шақырды.
Бүгін жұмыс тобының бірінші отырысы өтіп, онда тауарлық және сұйытылған газ, бензин және дизель отынының нарықтағы мәселелері мен болашағы талқыланды. Сондай-ақ, кәсіпкерлер газ саласындағы қызмет көрсету төңірегінде пайда болған бәсекелестіктің ұлғаюының негізгі жолдарын іздеп, оны шешу тетігін қарастырды.
Жұмыс тобына құрамына "Орал газтурбиналық электр станциясы", "Батыс Пауэр", "Белес Агро", "ЗапКазРЭК", "Конденсат", "Алау" ЖШС компанияларының басшылары, кәсіпкер Дархан Сариев кірді.
Сондай-ақ, БҚО-дағы электр энергетикасы, көлік қызметтері, мал шаруашылығы, орта және шағын бизнес саласындағы кәсіпкерлердің мүдделерін қорғау жөніндегі жұмыс топтары құрылатын болды. Жұмыс топтары отырыстарының қорытындылары бойынша кәсіпкерлердің барлық ұсыныстары жинақталып, зерделеніп, Қазақстан Үкіметіне қарауға жіберілетін болады.

• 14.01.2022
• 177