Облыс әкімі қаладағы қар тазалау және көшелерді жарықтандыру жұмыстарын тексерді

Бүгінге дейін қала тұрғындарынан облыс әкіміне жолдардың жай-күйіне қатысты көптеген шағымдар келіп түскен болатын. Осыған орай кеше Ғали Есқалиев қала көшелері мен тротуарлардың жағдайын, аула аумақтарын тексерді.
Өңір басшысының көшпелі тексеру маршруты қаланың магистральды көшелерін, сондай-ақ Зачаганск кентінің, орталық базар ауданының, автовокзалдың және Орал өзені арқылы Подстепное ауылына қарай созылған жолды қамтыды.
Тексеру барысында облыс әкімі кәсіпкерлік нысандарына іргелес жатқан аумақ - бизнес өкілдерінің жауапкершілік аймағы екенін атап өтті.
- Қалалар мен елді мекендердің аумақтарын абаттандырудың өз ережелері бар, олар бизнес субъектілеріне осындай міндет жүктейді, - деді облыс әкімі.
Тексеру қорытындысы бойынша облыс әкімі қала басшылығына көшелерді түнгі жарықпен қамтамасыз ету жұмыстарын жандандыруды, жолдарды тазарту жұмыстарын күшейтуді және орталық көшелерді ғана емес, шалғай аудандарды да назардан тыс қалдырмауды ескертті.
Ғали Есқалиев толып қалған қоқыс жәшіктеріне де назар аударып, бұл мәселені шұғыл шешуді тапсырды.

• 15.02.2022
• 222