Әскери қызмет өткеру ережелеріне өзгерістер мен толықтырулар енгізу жоспарлануда

Қорғаныс министрлігі «Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеру ережелерін бекіту туралы» Президенттің 2006 жылғы 25 мамырдағы № 124 Жарлығына өзгерістер мен толықтырулар енгізу туралы» Президент Жарлығының жобасын әзірледі.

Жарлық жобасында әскери қызмет өткеру қағидаларын «Әскери қызмет және әскери қызметшілердің мәртебесі туралы» Заңға енгізілетін өзгерістерге сәйкес келтіру көзделеді.

Атап айтқанда, олар әскери кафедраларда запастағы сержанттар бағдарламасы бойынша даярлықтан өткен адамдарға «запастағы кіші сержант» әскери атағын беру мәселелеріне қатысты болып отыр. Одан өзге де әскери қызметке кір келтіретін теріс іс-әрекеті және психикалық белсенді заттарды медициналық тағайындаусыз пайдаланған жағымсыз қылықтары бойынша жұмыстан шығару мәселелері регламенттелген. Бұл өзгерістер офицерлік лауазымда қызмет өткеретін төмен тұрған құрамның келісімшарт бойынша әскери қызметшісіне офицерлік құрамның алғашқы «лейтенант» шенін беру үшін нақты мерзімді белгілеуге де қатысты.

Жарлық жобасына бірқатар редакциялық түзетулер енгізу де қарастырылған.

Құжаттың толық мәтінімен 2022 жылғы 3 наурызға дейін ашық нормативтік құқықтық актілер порталында мына сілтеме арқылы танысуға болады: https://legalacts.egov.kz/npa/view?id=14005872.

• 19.02.2022
• 274