Дәурен Абаев Алматы қаласындағы мәдениет және спорт нысандарын аралады

Министр Олимпиада резервінің республикалық мамандандырылған мектеп-интернат-колледжі, «Алматы «Олимпиадалық даярлау орталығы» республикалық мемлекеттік қазыналық кәсіпорны, Допингке қарсы ұлттық орталық, «Қазақстан керлинг, едендегі керлинг және петанг федерациясы», «Алатау» қысқы спорт түрлері бойынша республикалық жоғары спорт шеберлігі мектебі» республикалық мемлекеттік қазыналық кәсіпорны ұжымдарымен кездесіп, жұмысымен танысты.

Сонымен қатар, Дәурен Абаев «Қазақстан Камератасы» мемлекеттiк классикалық музыка ансамблiнің ұжымымен кездесіп, «Сирек кездесетін қияқты саз аспаптарының мемлекеттік коллекциясы» республикалық мемлекеттік қазыналық кәсіпорынымен танысты. Сондай-ақ, министр  М.Әуезов атындағы Қазақ ұлттық драма театрында Ә. Нұрпейісовтің туындысы негізінде қойылған «Қан мен тер. Ақбала» спектакліне барды.

Спорт және  мәдениет нысандарында өткен кездесулерде Дәурен Абаев ұжым жұмысының стратегиялық бағыттары, олардың алға қойған мақсаттары мен міндеттері, инфрақұрылымның жай-күйі, еңбекақы деңгейі және қызметкерлер үшін жасалған әлеуметтік жеңілдіктер туралы есептерді тыңдады.

Қорытындылай келе Дәурен Абаев министрлікке бағынысты ұйымдардың өзекті мәселелерін шешуге уәде берді.

• 24.02.2022
• 328