Президенттік Жастар кадрлық резервінің мүшелері министр А.Умаровпен кездесті

Офлайн және онлайн-форматтарда Ақпарат және қоғамдық даму министрі Асқар Умаровтың Президенттік жастар кадр резерві өкілдерімен кездесуі өтті. Бұл кездесуге 2021 жылдың соңында конкурс қорытындысы бойынша резерв құрамына өткен жастар қатысты.

Министр резервшілерді ПЖКР-ға қабылдануымен құттықтап, олардың еліміздің дамуына елеулі үлес қосатынына сенім білдірді. А.Умаров өз сөзінде жас, талантты және патриот адамдарды мемлекеттік басқару жүйесіне енгізу, оны жаңарту процесі Мемлекет Басшысы Қасым-Жомарт Тоқаевтың ішкі саяси бағытының басымдықтарының бірі болып табылатынын атап өтті.

Асқар Умаров биыл жастар және отбасы саясаты мәселелеріне жетекшілік ететін вице-министр болып ҚР АҚДМ-де ПЖКР мүшесі Александр Данилов тағайындалғанын атап өтті.

Кездесуде резервшілер өздерін қызықтырған сұрақтарды қойып, Министрліктің жұмысын жетілдіру бойынша өз ұсыныстарын айтты.
Кездесу қорытындысы бойынша резервшілерге олардың құзыреті мен қызмет саласына байланысты, министрліктің жұмысына тарту ұсынылды.

• 09.03.2022
• 235