Қорғаныс министрлігінде қайтыс болған зейнеткердің отбасы мүшелеріне жерлеуге арналған біржолғы төлем мен біржолғы жәрдемақы беру бойынша ережелер әзірленуде

Қорғаныс министрлігінің қайтыс болған зейнеткерін жерлеуге арналған біржолғы төлемді және отбасы мүшелеріне біржолғы жәрдемақыны тағайындау «Әскери қызмет және әскери қызметшілердің мәртебесі туралы» ҚР Заңының 51-бабының 6-тармағына сәйкес жүзеге асырылады.

«Қорғаныс министрлігінің қайтыс болған зейнеткерін жерлеуге арналған біржолғы төлемді және оның отбасы мүшелеріне біржолғы жәрдемақы тағайындау» мемлекеттік қызмет көрсету қағидаларын бекіту туралы» Қазақстан Республикасы Қорғаныс министрі бұйрығының жобасы жоғарыда көрсетілген төлемдерді тағайындау және жүзеге асыру мерзімдерін қысқарту үшін әзірленді.

Құжатта қайтыс болған зейнеткердің отбасы мүшелерінің біржолғы төлемдерді алу үшін «Электрондық үкімет» порталы арқылы өтініш білдіру тәртібі де қарастырылған.

Құжаттың толық мәтінімен 2022 жылғы 29 наурызға дейін ашық нормативтік құқықтық актілердің интернет-порталында сілтеме бойынша танысуға болады: https://legalacts.egov.kz/npa/view?id=14028106.

• 10.03.2022
• 219