Еуропалық Қайта құру және даму банкінің (ЕҚҚДБ) вице-президенті Алан Пиюмен кездесу

Еуропалық Қайта құру және даму банкінің (ЕҚҚДБ) вице-президенті Алан Пиюмен кездесіп, елді экономикалық жаңғырту мәселелерін талқыладым.

Қазіргі таңда Агенттік еліміздің  экономикасының инклюзивті, сапалы және тұрақты дамуын қамтамасыз етуге, сондай-ақ халықтың әл-ауқатын арттыруға бағытталған құрылымдық және институционалдық реформалар кешенін әзірлеуді басты назарда ұстауда.

Әзірленіп жатқан реформалар пакетіне құқық үстемдігін қамтамасыз ету, адал бәсекелестікті дамыту, макроэкономикалық саясат пен мемлекеттік басқаруды жетілдіру, жаңа сыртқы сын-қатерлерді ескере отырып, экономиканы әртараптандыруды жүргізу сияқты бағыттар кіреді.  

Еуропалық қайта құру және даму банкі Қазақстанның стратегиялық серіктесі болып табылады. Ынтымақтастық жылдары Банк Қазақстан экономикасына 8 млрд еуродан астам инвестиция салды, шағын және орта бизнесті, инфрақұрылымды, энергетиканы, қаржы және IT салаларын дамыту сияқты бағыттарда 300-ге жуық жоба іске асырылды. Біздің жемісті ынтымақтастығымыз одан әрі жалғасатынына үміттенеміз.

Кездесу барысында ЕҚҚДБ тарапынан реформалар пакетін қалыптастыру бөлігінде Агенттікке қажетті техникалық қолдау көрсету туралы уағдаластыққа қол жеткізілді. Бұл жұмыс жетекші халықаралық қаржы ұйымдарымен үйлестірілетін болады.

• 15.03.2022
• 283