Бексейiт ауылының болашағы талқыланды

Бүгін Бексейіт ауылының (Мамлют) тұрғындарымен кездесу өтті. Жиында «Мамбетов и К» және «Бексейіт» серіктестіктерінің басшылары ауылдықтар алдында есеп беріп, биыл Бексейіт ауылында атқарылатын жұмыстар туралы айтты.

2022 жылы Бексейітте шаруашылықтар 10 жұмыс орнын ашып, еңбекақыны өсірмек. Ауылда жаңа дәмхана ашылады.  Фельдшерлі-акушерлік пункттың жобалық-сметалық құжаттамасы әзірленеді. Серіктестіктер дүкенді өздері өсірген картоп, қарақұмық, ұн, асбұршақ сынды арзан өніммен қамтамасыз етпек. Ауыл ішіндегі су жүйесі жөнделіп, үйлерге су тартылады. Бұл жұмыстардың барлығы меморандумда көрсетілген және жыл соңына дейін орындалуы тиіс.

• 15.03.2022
• 256