Оңтүстік Қазақстан өңіріндегі дін саласы мамандарымен кездесу

ҚР АҚДМ Дін істері комитетінің төрағасы Ержан Нүкежанов, 15-16 наурыз күндері, Шымкент қаласына іссапары аясында Түркістан облысы Сайрам ауданының бас имамымен және Сайрам тұрғын үй кешенінде ҚМДБ Шымкент қалалық өкілдігінің имамдарымен, сондай-ақ «Жусан» операциясы бойынша елге қайтарылған әйелдермен және оларды оңалту жұмыстарымен айналысатын «Ақниет» қоғамдық қорының өкілдерімен кездесті. Кездесу барысында өңірде жүргізіліп жатқан дін саласындағы мемлекеттік саясаттың басым бағыттарын жүргізуде жаңа әдіс-тәсілдерді қолдану, мемлекеттік-конфессиялық және конфессияаралық қатынастар және әртүрлі конфессиялық топтар арасындағы қатынастарды реттеу мәселелері талқыланды. Өзара пікір алмасу барысында Шымкент қаласы бойынша, дін саласы бағытында атқарылып жатқан іс-шаралар мен Қазақстан Республикасының дін саласындағы мемлекеттік саясатын іске асыру жөніндегі 2021–2023 жылдарға арналған кешенді жоспарының орындалу барысын талқылады. Сондай-ақ, оңалту жұмыстарынан өткен азаматтардың әлеуметтік өмірге қайта бейімделуі барысында туындаған бірқатар өзекті мәселелер айтылды. Сонымен қатар, Шымкент қаласындағы Дін істері басқармасының және Дін мәселелерін зерттеу орталықтарының мамандарымен кездесу өтті.

• 16.03.2022
• 58