Облыс әкімі Ғали Есқалиев азаматтарды онлайн форматында қабылдауды жалғастыруда

Өткен сенбіде өңір басшысы қабылдауға жазылған азаматтармен бейнебайланыс форматында кездесу өткізді. Осылайша карантиндік режим талаптарының сақталуы қамтамасыз етілді.
Сондай-ақ, бейне байланыс форматындағы қабылдауға Орал қаласының және аудан әкімдері, облыстық басқарма басшылары қосылды.
Өтініш білдірген азаматтардың басым бөлігі тұрғын үй, құқықтық және дәрілік заттармен қамтамасыз ету жөніндегі мәселелерді көтерді.
Сонымен қатар, өтініш білдірген азаматтардың арасында 2 баланы тәрбиелеп отырған жалғызбасты әке өңір басшысына өз сұрақтарын қоя алды. Азамат өңір басшысына толық емес отбасы категориясы бойынша тұрғын үй кезегінде тұрғандығын айтты. Атаулы әлеуметтік көмектi зейнетақы қорының жеткіліксіз болуынан ала алмай отырғандығын мәлімдеді. Сондай-ақ, балаларына мемлекет тарапынан берiлетiн төлемақы алатынын айтты. Балаларына қарайтын адамның болмауы салдарынан тұрғын толық жұмыс күніне шыға алмай отыр. Осыған байланысты, өтініш білдірген азаматтың дәнекерлеуші, ағаш ұстасы, тас қалаушы машықтарын меңгергенін ескере отырып, өңір басшысы қала әкімдігіне құрылыс нысандарында қолайлы жалақы мен икемді жұмыс кестесімен жұмыс орнын ұсынуға көмектесуді тапсырды. Құрылыс алаңдарында бос орындар бар. Ресми жұмысқа орналасқан жағдайда да азамат АӘК алуға құқылы болады. Сондай-ақ, азаматтың басқа да әлеуметтік көмек алу мүмкіндігін қарастыру тапсырылды.
Қабылдауда 3 баланы жалғыз өзі тәрбиелеп отырған қала тұрғынының тұрғын үй мәселесі көтерілді, оның ішінде мүмкіндігі шектеулі бала да бар. Отбасы баланың мүгедектігі бойынша жәрдемақы алады және тұрғын үй кезегінде тұр. Қала тұрғыны "Бақытты отбасы" бағдарламасына қатысып, тұрғын үй құрылыс жинақ банкінде шот ашуды жоспарлап отыр.
"Бақытты отбасы" бағдарламасына қатысуға өтінімдерді қабылдау осы жылдың қараша айында жоспарланып отыр және қабылдаудың басталуы туралы ақпарат міндетті түрде өтініш берушіге жеткізілетін болады.
Облыс әкімі тұрғын үй сомасының 10% - ын депозитке бастапқы жарнамен "Бақытты отбасы" бағдарламасының мүмкіндіктерін іске асыруды ұсынды. Егер аталған сома алынбайтын болса, әкімдік тұрғын үй сертификатын беру арқылы бастапқы жарнаның жартысын жаба алады.
Өтініш білдіргендердің арасында сирек кездесетін генетикалық ауруы бар баланы тәрбиелеп отырған азамат та болды. Балаға 20-дан 30-ға дейін қажетті дәрі-дәрмектерді ұсыну түрінде қолдау көрсетіледі. Алайда биыл бұл процесс кешіктірілді. Қала тұрғыны келесі жылы ұлына дәрі-дәрмектің уақытылы алынғанына көз жеткізгісі келді.
Өңір басшысы денсаулық сақтау басқармасының басшысына баланың қажетті дәрі-дәрмектерді уақытында алатынына көз жеткізуді тапсырды.
Аймақ басшысы әрбір мәселені жеке тыңдап, қала, аудан және басқарма басшылығына өтініш білдірген азаматтарға заңнамаға және қолданыстағы мемлекеттік бағдарламаларға сәйкес жан-жақты қолдау көрсетуді тапсырды.
Айта кетейік, облыс әкімінің қабылдауына жазылу үшін тұрғындарға 8 (7112) 24-20-36 нөмірі бойынша қоңырау шалу керек. Қабылдауға тіркеу сағат 15:00-ден 18:00-ге дейін жүргізіледі.

Жарияланған күні

10 қазан 2020

Жаңалықтарға жазылу

• 14.10.2020
• 331