Құрметті Ақжайық жұрты!

Салт-дәстүрдің тереңінен нәр алған Ұлыстың ұлы күні - Наурыз мейрамымен сіздерді шын жүректен құттықтаймын!

Наурыз адам мен табиғаттың «жаңаруы», жаңа өмірдің бастамасы ретінде қабылданған. Халқымыз Наурызды өзгерістер өзегі деп түсінген.

Сондықтан да болар, осынау ұлы мереке қарсаңында күні кеше мемлекет басшысы Қ.Тоқаев ел халықына "Жаңа Қазақстан: жаңару мен жаңғыру жолы" атты Жолдауын арнап, елдің саяси реформаларына қатысты жаңа міндеттерді тапсырды. Баршаңызды президентіміздің тың бастамаларын қолдап, жаңа ел құруға бір кісідей жұмылуға шақырамын. Жаңа жылымызда жаңа бағыт алып жаңа Қазақстанды бірге құрайық!

Кемел келешек жолындағы бастамаларыңыз баянды, еңбектеріңіз жемісті бола бергей.

Еліміздің мерейін өсіріп, ұлттық болмысымызды айшықтайтын Наурыз мерекесі Сіздерге шексіз қуаныш пен бақыт, құт-береке мен молшылық әкелсін!

Ұлыс оң болсын, ақ мол болсын!

Облыс әкімі Ғ.Есқалиев

• 24.03.2022
• 185