Федоров және Қарабалық аудандарының халқымен кездесу

Бүгін Федоров және Қарабалық аудандарының тұрғындарымен көшпелі кездесу өткіздім.
Тұрғындармен кездесуден кейін екі ауданда азаматтарды жеке мәселелері бойынша қабылдадым. Аудан тұрғындары ауылдарды сумен жабдықтау және газдандыру, жолдарды жөндеу және басқа да бірқатар мәселелерді көтереді.
Сонымен қатар, Федоров ауданында көпбалалы отбасылар мен жетім балаларға пәтер кілттерін табыстадым.
Соңғы үш жыл ішінде ауданда 56 пәтерге үш жалдамалы тұрғын үй салынды, бұл тұрғын үй кезегін төмендетуге мүмкіндік берді.
Сондай-ақ, Қарабалық ауданы Қарабалық кентіндегі мемлекеттік тілде оқытатын мектеп құрылысының барысымен таныстым. Мектеп құрылысы 1,1 млрд. теңге сомасына Жұмыспен қамтудың жол картасы бағдарламасы аясында жүзеге асырылуда.
Қазіргі уақытта екінші қабаттың қабырғаларын салу жұмыстары жүргізілуде. Нысанды ағымдағы жылдың қыркүйек айында пайдалануға беру жоспарланып отыр.
Халықпен кездесу қорытындысы бойынша аудан әкімдеріне өңірлердің әлеуметтік-экономикалық дамуын жалғастыруды тапсырдым.

• 25.03.2022
• 224