Әскери қызметшілердің тәрбие жұмыстарын ұйымдастыру ережелеріне өзгерістер енгізіледі

«Қазақстан Республикасы Қарулы Күштерінің жеке құрамымен тәрбие, әлеуметтік-құқықтық, психологиялық және идеологиялық жұмысты ұйымдастыру қағидаларын бекіту туралы» Қорғаныс министрінің 2019 жылғы 21 мамырдағы № 355 бұйрығына өзгерістер енгізіледі.

Бұйрықтың жобасы «Қазақстан Республикасының Қорғаныс министрлігі туралы ережені бекіту туралы» Қазақстан Республикасы Үкіметінің 2001 жылғы 16 тамыздағы № 1074 қаулысына өзгерістер мен толықтырулар енгізу және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2018 жылғы 16 қарашадағы № 772 қаулысын іске асыру шеңберінде әзірленді.

Құжатта Қазақстан армиясындағы әскери тәртіптің жай-күйі туралы мәліметтерді есепке алуды ұйымдастыру тәртібі көзделген.

Аталған бұйрықты қабылдау әскери басқару органдарының, әскери бөлімдер мен мекемелердің лауазымды адамдарының оқиғалар мен құқық бұзушылықтардың, оларды есептен жасыру фактілерінің алдын алу жөніндегі қызметінің тәртібін реттейтін нормативтік құжаттар базасын құруды қамтамасыз етеді.

Ұсынылып отырған түзетулер әскери ұжымдардағы моральдық-психологиялық жағдайды сауықтыру жөніндегі шараларды уақтылы зерделеуге, әзірлеуге және қабылдауге ықпал етеді.

Бұйрық жобасының толық мәтінімен биылғы жылғы 7 сәуірге дейін ашық нормативтік құқықтық актілер порталында келесі сілтеме арқылы танысуға болады: https://legalacts.egov.kz/npa/view?id=14041832.

• 25.03.2022
• 221