Ұлттық статистика бюросы жұмысының жаңа тәсілдемелерін таныстыру

Біз алғаш рет сарапшылар, "Атамекен" ҰКП және бизнес өкілдерін Ұлттық статистика бюросы жұмысының жаңа тәсілдемелерін таныстырдық.

 Өздеріңіз білетіндей, Мемлекет басшысы статистикалық қызметті реформалау бойынша нақты тапсырмалар берді. Біз мемлекеттік статистиканы тұтынушылардың қажеттіліктеріне қарай қайта форматтауды жоспарлап отырмыз. Біз үшін жаңа тәсілдердің клиентке бағдарланғаны, шынайы және барынша цифрланғаны маңызды.

Ұлттық статистика бюросының жаңа басшысы Жандос Шаймарданов реформалар үш негізгі бағыт бойынша жүргізілетінін айтты: Ұлттық статистика бюросының қызметін ішкі трансформациялау, Ақпараттық жүйелерді цифрландыру және жаңарту, сондай-ақ әкімшілік дереккөздермен жұмысты жақсарту.

Бірінші кезекте, деректерді жинау әдістемесі қайта қаралады және есептілік нысандарына тексеру жүргізіледі. Сонымен қатар, қазір статистикалық деректер қолмен жиналып, қағазға жарияланады, бұл статистикалық деректердің дұрыстығына, сапасы мен мерзіміне әсер етеді. Осы шығындарды азайту үшін Ұлттық бюро Есептіліктің матрицалық нысандарына, Есептіліктің басқа жүйелерімен толассыз интеграцияға, маркетплейстермен интеграцияға және деректерді жинаудың ішкі автоматизациясына көшеді.

Мемстатистикадағы реформалар мемлекеттік органдармен, сарапшылар қауымдастығымен, бизнеспен әлі де талқыланып жатқанын атап өткім келеді. Түпкілікті тәсілдер 2022 жылдың ортасында қалыптастырылатын болады.

Ұлттық статистика бюросы Мемлекеттік органдардың, бизнес пен халықтың басқарушылық шешімдерін қабылдауға негіз болатын бірыңғай басқарушылық Есептіліктің дұрыс көзіне айналуға тиіс деп санаймын.

• 30.03.2022
• 282