Діни мәселелер бойынша біліктілікті арттыру курстары ұйымдастырылды

2022 жылғы 28-30 наурыз аралығында ҚР АҚДМ Дін істері комитетінің бастамасымен, Алматы қаласында «Нұр-Мүбарак» Египет ислам мәдениеті университетінің базасында діни мәселелер бойынша ақпараттық-түсіндіру топтары мүшелерінің біліктілігін арттыру курстары ұйымдастырылды. Негізгі мақсат: халықтың нысаналы топтары арасында ақпараттық-түсіндіру жұмысының тиімділігін арттыру, оның ішінде алдын-алу жұмыстарына инновациялық тәсілдерді енгізу жолы арқылы тиімділікті арттыру болып табылады. Спикер ретінде, «Нұр-Мүбарак» Египет ислам мәдениеті университетінің проректоры Қайрат Құрманбаев; Дін істері комитетінің ақпараттық-түсіндіру жұмыстарын үйлестіру басқармасы басшысының м.а. Ердәулет Кенжеханов; Атырау облысы бойынша «Ақпараттық-талдау орталығының» директоры Рүстем Сейітқалиев; Қарағанды облысының «Конфессияаралық қатынастар проблемаларын зерттеу және талдау орталығы» КММ директоры Дулат Төлегенов; PhD теолог, профессор Алау Әділбаев; профессор Қайрат Затов; PhD доктор Мұқан Исахан; PhD доктор Түсіпхан Имаммади; PhD докторанттар Ернар Есімқұлов, Нұржан Стамбакиев және Данияр Сүлейменов секілді дін саласындағы жетекші сарапшылар тартылды. Оқу жоспары 22 академиялық сағатты құрады. Үш күндік курс бағдарламасы теориялық және практикалық дайындықты қамтыды. Министрлік ұйымдастырған курстар оқытылған мамандарға экстремистік идеологияға қарсы іс-қимыл үшін халық арасында ақпараттық-түсіндіру жұмысын неғұрлым тиімді және сапалы жүргізуге мүмкіндік береді. Оқыту курстарына еліміздің барлық өңірлерінен дін мәселелері бойынша ақпараттық-түсіндіру топтарының 100-ден астам мүшесі қатысты. Семинар қорытындысы бойынша сертификаттар табысталды.

• 31.03.2022
• 221