Кәсіпкерлердің кедергілері туралы

Ресейге салынған түрлі санкция салдары облысымыздың кәсіпкерлік саласына да әсер етті.

Бүгін облыс әкімі Ғали Есқалиев кәсіпкерлерімен бірге жедел штабтың кезекті отырысын өткізді. Басты мәселе, әлемде болып жатқан оқиғаларға байланысты біздің кәсіпкерлердің қиындықтарын шешу.

Оң нәтижелерге тоқталсақ. 30 наурыздан бастап Ресей-Қазақстан құрлық шекарасы арқылы өтуге шектеулердің алынуы өңірлік кәсіпкерлердің мәселесін шешуге септігін тигізді. Сондай-ақ, бау-бақша жұмысында негізгі қара жұмыс күшін құрайтын шет мемлекеттерде тіркелген азаматтардың облысымызға келу мәселесі оң шешімін тапты.

Кәсіпкерік саласында әлі де көптеген мәселелер бар. Бірқатары орталық органдарға шешуге жолданды.

Жедел штабтың отырысын облыс әкімі Ғ.Есқалиев әр апта сайын дүйсенбі және бейсенбі күндері өткізеді.

Кәсіпкерлік саласында туындаған қиындықтар туралы бірыңғай қысқа 109 нөміріне хабарлауды сұраймыз.

• 01.04.2022
• 192