Жаңа экономикалық саясат шеңберінде экономикалық реформалар пакеті

Стратегиялық жоспарлау және реформалар агенттігі (бұдан әрі-Агенттік, СЖРА) 2022 жылғы шілдеде жаңа экономикалық саясат шеңберінде экономикалық реформалар пакетін ұсынады.

"Жаңа экономикалық саясат төмендегі басымдықтарға негізделеді: тұрақты институционалдық реформалар, адал бәсекелестік және экономикалық еркіндік, макроэкономикалық тұрақтылық, экономиканы әртараптандыру, адами капиталды дамыту және мемлекеттік басқару реформасы", - деп атап өтті СЖРА басшысы Әсет Ерғалиев.  

Қазір жаңа экономикалық саясат тұжырымдамасы сарапшылар қауымдастығымен, кәсіпкерлермен және мемлекеттік органдармен талқылануда.  

Мамыр айында бағыттар бойынша реформалар әзірленіп, мемлекеттік органдармен және Парламент депутаттарымен пысықталатын болады.

2022 жылдың шілдесінде "толық аяқталған" реформалар пакетін қаржыландыру күтілуде.

Қазіргі уақытта Агенттік ағымдағы жағдайға жүйелі талдау жүргізеді, стратегиялық міндеттер мен түпкілікті нәтижелерді қалыптастырады, реформалар үшін басым бағыттарды айқындайды.  

Жұмысқа Халықаралық валюта қоры, Дүниежүзілік банк, Азия даму банкі, Ислам даму банкі, Еуропалық қайта құру және даму банкі, БҰҰ даму Бағдарламасы, шетелдік инвесторлар Кеңесі сияқты әріптес ұйымдар тартылды.

Бұдан басқа, реформалар пакетін әзірлеуге тәуелсіз сарапшылар, кәсіпкерлер қауымдастығы, салалық мемлекеттік органдар мен зерттеу институттары тартылды.

Жаңа экономикалық саясат – құрылымдық реформаларды дайындау үшін негіз ретінде Мемлекет басшысы жариялаған экономикалық және саяси реформалардың ынтымақтастығын қамтамасыз етеді. Іске асырылып жатқан реформалардың мақсаты орта және ұзақ мерзімді кезеңдерге арналған елдің инклюзивті және тұрақты дамуының негізі болатын Қазақстанның жаңа экономикалық жүйесін қалыптастыру болып табылады.

• 04.04.2022
• 258