Шаховское ауылының тұрғындарымен кездесу

Бүгін Қызылжар ауданындағы Шаховское ауылының тұрғындарымен кездестім. Бұл кездесуде ауылдың өзекті мәселелері талқыланды. Ауылдықтардың барлық сұрақтары мен ұсыныстары бақылауға алынды.

Соңғы 5 жылда Шаховское ауылына бюджеттен 447 млн.тг бөлінді.  Көшеге жарықтандыру орнатылды, су жүйесі тартылып,  тұрғындардың 80% үйге су кіргізді.  Биыл шағын футбол алаңы мен балалар алаңқайы салынады. Ауыл тұрғындары үшін өзекті мәселе – кіреберіс жол. Қазір 12 шақырым жолды жөндеуді республикалық бюджеттен қаржыландыру мәселесі шешілуде.

«Крахмал агро» серіктестігінің басшылығы да Шаховское ауылын дамыту бойынша міндеттемелер алды. Бұл қызметкерлердің жалақысын көтеру, 1-4 сынып оқушыларын тегін тамақтандыру, демалыс орталығын ашу, үйлерге су тарту, спорт алаңын орнату, медпункт пен пошта орналасқан ғимаратты жөндеу.

• 07.04.2022
• 248