Жамбыл облысы COVID-19 ауруының ықтимал екінші толқынына қызу дайындық үстінде

Медициналық ұйымдарда екі айлық дәрі-дәрмектер қоры қалыптасып, 2530 төсек-орын дайындалды. Қажетті құрал-жабдықтар сатып алынуда.

Бүгін озық үлгідегі медициналық жабдықтармен жабдықталған 8 мобильді диагностикалық кешен мен 18 реанимобиль жеткізілді. Медициналық кешендер цифрлық құралмен жабдықталған. Атап айтсақ, жалпы қабылдау, акушер-гинеколог, сәулелік диагностика кабинеттері, жалпы практика және талдау қабылдау аймақтары және функционалды диагностикалық тесттермен қамтылған. Рентген және флюорография жасай алатын арнайы қорғасын бөлмесі бар. Сондай-ақ, мүмкіндігі шектеулі жандарға арналған пандус-лифтілер орнатылған.

Аталған кешендер шалғайдағы ауылдық округтердегі тұрғындарға жоғары деңгейде медициналық қызметтер көрсетуге мүмкіндік береді. Оларда тар бейінді мамандар жұмыс істейді, ал оларға «Таза жүрек» акциясына қатысушы медициналық еріктілер көмектеспек. Бүгін «жылжымалы емханалар» аудандық ауруханаларға жөнелтілді. Қазіргі таңда барлық он аудан және облыс орталығы жылжымалы кешендермен қамтамасыз етілген.

• 23.10.2020
• 409