Оралда мүгедектерді оңалту орталығы салынбақ

Орал қаласында 8 млрд теңгеге мүгедектерді оңалту орталығы салынбақ. БҚО құрылыс басқармасының басшысы Әлібек Антазиевтің өңірлік коммуникациялар қызметі алаңында өткен брифингіде мәлім еткеніндей, «Ақжайық» шағын ауданында 150 орындық орталық құрылысы биыл басталмақшы. Оның сөзіне қарағанда, нысанның жалпы құны – 8 млрд теңге. Қазіргі таңда республикалық бюджеттен 1 млрд теңге бөлінген. «Күні бүгін құжаттар әзірленуде, мамыр айында конкурс жарияланатын болады. Орталық қазіргі заманғы медициналық жабдықпен қамтылады. Осы кезге дейін облыста мүгедектер үшін мұндай орталық болған жоқ. Онда сондай-ақ емдеу-жүзу бассейні, спорт залы, акт залы, еңбек терапиясы, дене шынықтыру аймағы орналаспақшы. Орталықта мүгедектер кез келген ауру мен жарақаттан кейін сауығатын болады», деді Ә.Антазиев.

• 22.04.2022
• 238