Әскери қызметшілердің дене шынықтыру даярлығы нормативтеріне өзгерістер енгізілуде

Қорғаныс министрлігі «Қазақстан Республикасының Қарулы күштеріндегі дене дайындығы жөніндегі нормативтерді бекіту туралы» Қазақстан Республикасы Қорғаныс министрінің 2014 жылғы 5 мамырдағы № 195 бұйрығына өзгерістер әзірледі.

Аталған түзетулер әскери қызметшілердің дене даярлығын сапалы ұйымдастыру мақсатында енгізілетін болады.

Жаңа редакцияда азаматтық жастар арасынан әскери оқу орындарына түсуге үміткерлердің дене шынықтыру дайындығын бағалау тәртібі айқындалған, сондай-ақ бұл санат әскери қызметшілер санатынан бөлінген, азаматтық жастар арасынан үміткерлерге арналған жаттығулар ішіне 100 метрге жүгіру қосылған.

Бұйрық жобасында қоян-қолтық ұрыс тәсілдерін орындау үшін тартылатын әскери қызметшілердің санаттары нақтыланды. Кедергілер жолақтарындағы жаттығулар үшін ауа температурасы мен киім нысанын ескере отырып, нәтижелерді түзетулер анықталды.

Құжаттың толық мәтінімен 2022 жылғы 5 мамырға дейін ашық нормативтік құқықтық актілердің интернет-порталында мына сілтеме арқылы танысуға болады: https://legalacts.egov.kz/npa/view?id=14077305.

• 25.04.2022
• 159