Кейбір нормативтік құқықтық актілерге өзгерістер енгізілуде

Қорғаныс министрлігі «Қазақстан Республикасы Қорғаныс министрінің кейбір бұйрықтарына өзгерістер енгізу туралы» бұйрықтың жобасын әзірледі.

Аталған түзетулер Қорғаныс министрінің мынадай бұйрықтарына енгізіледі:

– 2019 жылғы 9 шілдедегі № 526 «Ұлы Отан соғысының ардагерлеріне куәлік беру қағидаларын бекіту туралы»;

– 2021 жылғы 4 тамыздағы № 500 «Жеңілдіктері бар адамдарға (Ұлы Отан соғысының, басқа мемлекеттер аумағындағы ұрыс қимылдарының ардагерлеріне және Чернобыль атом электр станциясындағы апаттың зардаптарын жоюға қатысушыларға) анықтамалар беру» мемлекеттік қызмет көрсету қағидаларын бекіту туралы» қаулысына өзгерістер енгізу туралы.

Бұл өзгерістер көрсетілетін мемлекеттік қызметтер бойынша қызмет берушілердің шешімдеріне, әрекеттеріне (әрекетсіздігіне) шағымдану тәртібіне, сондай-ақ оларды ұсыну тәсіліне қатысты болады.

Құжаттың толық мәтінімен 2022 жылғы 12 мамырға дейін ашық нормативтік құқықтық актілердің интернет-порталында сілтеме арқылы танысуға болады: https://legalacts.egov.kz/npa/view?id=14079547.

• 26.04.2022
• 236