Шет мемлекеттердің дипломатиялық өкілдіктерінің және халықаралық ұйымдардың басшыларымен кездесу

ҚР Ақпарат және қоғамдық даму министрі Асқар Омаровтың Түркия Республикасының Төтенше және Өкілетті Елшісі Уфук Экиджимен, Египет Араб Республикасының Төтенше және Өкілетті Елшісі Манал Сайед Ехия Эльшиннавимен, Нұр-Сұлтандағы ЕҚЫҰ Бағдарламалар офисінің басшысы Фолькер Фробартпен, сондай-ақ АҚШ-тың ҚР-дағы уақытша сенімді өкілі Джуди Куомен кездесулері өтті.

Шара барысында Министрлік жетекшілік ететін бағыттар бойынша, атап айтқанда, ақпарат және БАҚ, дін және жастар саясаты салаларындағы ынтымақтастықты дамыту перспективалары талқыланды.

Министр ведомствоның қызметімен таныстырып, өз тарапынан Қазақстан екіжақты және көпжақты өзара тиімді ынтымақтастық аясында жақын және сенімді қарым-қатынас орнатуды жалғастырып жатқанын атап өтті.

Кездесу қорытындысы бойынша тараптар сындарлы өзара іс-қимылды одан әрі кеңейту мен дамытуға өзара қызығушылық танытты.

• 26.04.2022
• 240