Мойынқұм ауданы мен Жамбыл аудандарының даму жоспарлары

Бүгін Мойынқұм ауданы мен Жамбыл ауданының даму жоспарларымен таныстым. 
Аудан әкімдеріне бюджет қаражатын игеруден бөлек, инвестиция тарту, ірі және шағын жобаларды жүзеге асыру, тұрғындардың тұрмыстық табысын арттыру, мемлекеттік бағдарламалардың мүмкіндігін тиімді пайдалану, жаңа жұмыс орындарын ашу, халықпен нәтижелі кері байланыс орнату, әлеуметтік мәселелерді шешу бойынша нақты тапсырмалар жүктедім.
Жиынға бейне-байланыс режимінде қатысқан бөлім басшылары мен ауылдық округ әкімдерінен жеке-жеке жауаптар алып, есептерін тыңдадым.
Ауыл әкімдері күніне кем дегенде бір үйге кіріп, жағдайымен танысып отыруы тиіс. Сонда ғана бір жылда сол ауылдағы барлық отбасының жағдайынан хабардар бола алады.
Айта кетейік, бұған дейін Тараз қаласы мен бірқатар аудандарды дәл осы форматта қабылдап, алдағы жоспарларын талқылаған болатынбыз. 
Бұл бағыттағы жұмыстар жалғасуда.

• 28.04.2022
• 206