Қазақстандық делегация сапары туралы

Ағымдағы жылғы 18-22 сәуір аралығында мен ҚР Президенті Әкімшілігі Басшысының бірінші орынбасары Т.Сүлейменов бастаған қазақстандық делегацияның Вашингтонға сапарына қатыстым, ол АҚШ-пен одан әрі екіжақты ынтымақтастықтың перспективаларын анықтауға мүмкіндік берді.

Ақ үй, Конгресс, Мемлекеттік департамент, сауда, қаржы министрліктері, АҚШ Сауда Палатасының шенеуніктерімен өткен кездесулер, сондай-ақ Дүниежүзілік банк тобы мен Халықаралық валюта қорының жыл сайынғы көктемгі сессияларына қатысу екіжақты және көпжақты өзара іс-қимылдың кең ауқымды мәселелерін талқылауға мүмкіндік берді.

Кездесу барысында тараптар ҚР Президенті Қ. Тоқаевтың Жолдауының негізгі бағыттарымен және "Жаңа Қазақстанды" құру аясындағы ауқымды өзгерістермен танысты. Америкалық тарап Мемлекет басшысының реформаларына берік қолдау білдіріп, олардың іске асырылуы Қазақстанның саяси жаңғыруына ықпал ететінін атап өтті.

Ағымдағы халықаралық жағдайды назарға ала отырып, тараптар АҚШ-тың санкциялық шектеулері және Қазақстан экономикасы үшін ықтимал тәуекелдер мәселесін талқылады. Америкалық тарап бұл мәселеде барынша көмек көрсетуге, оның ішінде америкалық санкциялық саясаттың абайсызда салдарын болдырмау үшін ҚР-мен тұрақты диалогты жалғастыруға дайындығын білдірді және растады.

Дүниежүзілік банк пен Халықаралық валюта қорының көктемгі кездесулері шеңберінде осы ұйымдардың басшылығымен және Moody's, Standard&Poor's, Fitch Ratings қоса алғанда, рейтингтік агенттіктермен бірқатар келіссөздер өтті. Атап айтқанда, экономиканы әртараптандыру, адам капиталын дамыту, әйелдердің экономикалық құқықтарын күшейту, сондай-ақ климаттың өзгеруі мәселелері қозғалды.

АҚШ-тың Center for Strategic and International Studies, Council on Foreign Relations, Brookings, RAND Corporation, New Lines Institute сияқты бірқатар беделді "біліктілік орталықтарының" өкілдерімен халықаралық және өңірлік күн тәртібіндегі кең ауқымды мәселелер бойынша жан-жақты пікір алмасу болды.

Қазақстандық делегация АҚШ Сауда Палатасының алаңындағы дөңгелек үстелге де қатысты, оның барысында Үкіметтің қазіргі дағдарыстар аясында елдің экономикалық тұрақтылығын қамтамасыз ету үшін дағдарысқа қарсы шаралар пакетін қабылдау арқылы инвестициялық ахуалды жетілдіру ниеті туралы нақты мәлімет берілді.

• 29.04.2022
• 393