1 мамыр Қазақстан халқының бірлігі күні

• Құрметті батысқазақстандықтар, қадірлі жерлестер!
  
  Баршаңызды 1 мамыр – Қазақстан халқының бірлігі күні мейрамымен құттықтаймын! Ақ Жайық өңірі ұлтаралық татулықты ту етіп келеді. Тілі бөлек болса да, тілегі бір, жүзі бөлек болса да, жүрегі бір ұлт пен ұлыс өкілдері облысымыздың қарыштап дамуына үлес қосуда. Ынтымақ барда ырыс пен береке азаймайды. Ал татулық табысқа бастайды. Сыйластық пен түсіністікті сақтау – басты парызымыз.
  
  Халық үшін тыныштық қай кезде де маңызды болғанын тарихтан білеміз. «Ынтымақ жүрген жерде, Ырыс бірге жүреді» деген жақсы сөз бар. Қалың елдің арман-аңсары – тату-тәтті өмір сүру.
  
  Қазақстан – бүгінде достық пен бірлік мекені. Еліміздің ұлтаралық келісімге негізделген бағдар-бағытын әлем жұртшылығы да мойындайды.
  Бірлік пен келісімнің арқасында біз қуатты мемлекет құруда биіктерге қол жеткізетініміз анық.
  
  Халқымыздың татулығы – еліміздің ең басты байлығы.
  Ойдағымыз орындалып, отанымыз көркейіп, көздегеніміз көз алдымызда жүзеге асуы үшін берекелі еңбек пен ынтымақты іс-әрекет қажет. Халқымыздың даңқы асқақтап, егемен еліміздің келешегі кемел болсын десек, адал қызмет атқарайық!
  
  Қымбатты ағайын!
  Ынтымақ мерекесі ырыс ала келсін! Әрбір шаңыраққа шаттық ұялап, берекеміз артып, бірлігіміз күннен-күнге нығая түссін!

• 03.05.2022
• 235