«Тараз» кәсіпқой футбол клубының басшылық құрамымен кездестім.

«Тараз» кәсіпқой футбол клубының басшылық құрамымен кездестім. 
Кездесуге ҚР кәсіпқой футбол лигасының президенті Шох Рохус, облыстық футбол федерациясының директоры Әлімбек Жұмабаев, «Тараз» кәсіпқой футбол клубының директоры Жандос Ахметов, бас жаттықтырушысы Нүркен Мәзбаев қатысты.
Басқосуда футбол клубының өткені, бүгіні туралы айтылды.  Сондай-ақ, құраманың осы маусымдағы құрылымы, жағдайы және алдағы жоспары сөз болды. Кездесіп отырған бірқатар мәселелер де талқыланды.
 «Тараздың» соңғы жылдардағы көрсеткіші көңіл көңшітпейді. Алайда, ағымдағы маусымдағы алғашқы ойындары жаман емес,  қалайда чемпионатты табысты аяқтауға тиіс.
Басты талап – жанкүйерлердің үмітін ақтау, облыстың намысын абыройлы қорғау.
Клубтың жоғары нәтижеге жетуі үшін  ұзақ мерзімді стратегиялық жоспарын құру және мәселелерді шешу бойынша нақты тиімді ұсыныстар әзірлеуді тапсырдым.
Айта кетейін, спорттың бұл түрімен әуестенетін жастар мен балалар көп,  олардың арасынан болашақ чемпиондар шығатынына сенемін, тек қолдау, талантын тап басып тану керек.

Клубқа командалық рух, бірлік, жеңіс, сәттілік тіледім.

• 13.05.2022
• 208