Бүгін Тараз қаласындағы (№2 округ) бірқатар нысандарды араладым.

Бүгін Тараз қаласындағы (№2 округ) бірқатар нысандарды араладым.

15 шағын ауданда салынған 80 пәтерлі тұрғын үйдің құрылыс жұмыстарының сапасын тексердім. Тұрғын үй ауласын абаттындыруға айрықша назар аудару керек.   

Сондай-ақ, «Бурыл» (А, Б, В) алқабына ат басын бұрып, жолдарды асьфальттау жұмыстарымен таныстым. Мұнда жол салу жұмыстары кезең-кезеңімен атқарылатын болады.

Жөндеуді қажет ететін №54 орта мектеп ғимаратын, ауласын аралап көріп, санитарлық торап пен ауладағы тазалыққа қатысты бірқатар ескертулер жасадым. Ал күрделі жөндеу бойынша зерделеп, жан-жақты шаралар қабылдау үшін жауаптыларға нақты тапсырмалар жүктедім.

Сонымен қатар, №1 арнаулы әлеуметтік қызметтер ұсыну орталығының жай-күйімен таныстым. Нысанның спорт алаңшасы және асханасын жөндеу мәселесі назарға алынды.

Асқаров көшесінің соңындағы құрылысы жүріп жатқан 600 орындық орта мектепте мердігерге жұмыстарды сапалы әрі бекітілген кестеге сәйкес жүргізуді тапсырдым. Қала басшылығы мен тиісті басқармаларға мептепке келетін жол салу және су мәселесін шешу бойынша шаралар қабылдау керектігін ескерттім.

«Полиэтилен-Агро» ЖШС-нің жаңа цехіне бардым. Кәсіпорын басшылығы жұмысшылардың айлығын көтеру, әлеуметтік төлемдерді уақыты төлеп отыруы аса маңызды.

• 13.05.2022
• 220