Қадірлі жерлестер!

Қадірлі жерлестер!
 
Сіздерді Ораза айт мерекесімен шын жүректен құттықтаймын!

Бұл күн – барша мұсылман баласы асыға күткен ұлық мейрам.

Ораза айт – адамдарды бауырмалдылық пен кішіпейілділікке, кешірімділік пен сүйіспеншілікке үндейді. Бұл күндері үй-үйде мерекелік дастарқан жайылып, туған-туыс, дос-жаран, көрші-қолаң бір-бірін аралап, дәм татысып, мәре-сәре болады.

Барша жұртты қуанышқа бөлейтін бұл мейрам елімізге, жерімізге құт-береке мен ынтымағын, ырысы мен берекесін ала келсін деп тілейміз!

Елімізде берік қалыптасқан қоғамдық келісім мен өзара бірлігіміз, жарасымдылық пен құрметіміз – басты байлығымыз, мақсат-мұратымыз болып қала бермек.

Сіздер осы рахымы мол қасиетті Рамазан айында мұсылмандықтың қастерлі парызын орындауға тырыстыңыздар. Ұрпақтан ұрпаққа аманат болған ата дәстүр мен нұрлы иман құндылығының алдағы уақыттарда да жарасымды жалғасын табарына еш күмән жоқ.

Ұстаған оразаларыңыз, жасаған құлшылықтарыңыз қабыл болғай! Дендеріңізге саулық, отбасыларыңызға амандық тілеймін.

Оразадан оразаға, Айттан айтқа аман-есен жеткізуді нәсіп етсін. Ораза айт мерекесі құтты болсын!

• 13.05.2022
• 192