Облыс аумағындағы ветеринариялық-санитариялық қауіпсіздік мәселесі қаралды

Бүгін қала мен аудан әкімдерімен кеңес өткізіп, облыс аумағында ветеринариялық-санитариялық қауіпсіздікті қамтамасыз ету бойынша қабылданып жатқан шаралар туралы мәселе қарастырылды.
Жануарлардың аса қауіпті ауруларының ветеринариялық-профилактикалық және диагностикалық іс-шаралар жоспарын іске асыру мақсатында 2022 жылға 5 млн.астам манипуляция жүргізу жоспарланған.
ІҚМ бруцеллезі бойынша жұқтыру деңгейінің жыл сайынғы төмендеу динамикасы сақталуда.
Эпизоотиялық тізбекті үзу мақсатында жануарлардың бруцеллезімен күресудің кешенді шаралары шеңберінде дезинфекциялық іс-шараларды жүргізуге ерекше көңіл бөлінеді.
Бүгінгі күні қаңғыбас иттер мен мысықтарды аулау және жою мәселесі өзекті болып қалуда.
«Жануарларға жауапкершілікпен қарау туралы» Заңның күшіне енуіне байланысты 2022 жылғы 2 наурызда қаңғыбас иттер мен мысықтарды аулауға және жоюға тыйым салынған. Заңда бюджет қаражаты және өзге де көздер есебінен вакцинациялау, стерильдеу және чиптеу жүзеге асырылатын уақытша баспаналарда қаңғыбас иттер мен мысықтарды аулау және ұстау көзделген. Осы процедуралардан кейін жануарлар табиғи ортаға шығарылады.
Бүгінгі күні облыстың эпизоотиялық жағдайы тұрақты.
Кеңес қорытындысы бойынша қала мен аудан әкімдеріне, облыстық ветеринария басқармасына тұрақты эпизоотиялық жағдайды сақтау бойынша жоспарлы ветеринариялық-профилактикалық және диагностикалық іс-шаралар жүргізуді қамтамасыз етуді тапсырдым.

• 23.05.2022
• 188