«Халықаралық қауіпсіздіктің жаһандық тегеуріндері мен қатерлері» тақырыбында халықаралық ғылыми-практикалық онлайн-конференция

2020 жылғы 30 қыркүйекте Л.Н. Гумилев атындағы Еуразия Ұлттық университеті Заң факультетінің халықаралық құқық кафедрасы Қазақстан Республикасы Заңнама және құқықтық ақпарат институты директорының кеңесшісі, заң ғылымдарының кандидаты, доцент Жанат Орынбекқызы Құлжабаеваның 60 жылдық мерейтойына арналған «Халықаралық қауіпсіздіктің жаһандық тегеуріндері мен қатерлері» тақырыбында халықаралық ғылыми-практикалық онлайн-конференция өткізді.

Конференцияда Қазақстан Республикасының Заңнама және құқықтық ақпарат Институтының директоры Р. Қ. Сарпеков құттықтау сөз сөйледі. Рамазан Құмарбекұлы Еуразия Ұлттық университетімен ынтымақтастықтың жоғары деңгейін, ұйымдардың ғалымдары мен профессорлық-оқытушылық құрамының тығыз байланысын атап өтті.

Конференция жұмысына Қазақстан, Ресей, Литва және Өзбекстанның жетекші ғалымдары, Еуразиялық экономикалық комиссияның, Қазақстан Республикасы Сыртқы істер министрлігінің, Қазақстан Республикасы Заңнама және құқықтық ақпарат институтының өкілдері қатысты.

Онлайн конференция форматында халықаралық қауіпсіздіктің қазіргі заманғы қауіп-қатерлері мен сын-тегеуріндері, халықаралық экономикалық және экологиялық қауіпсіздікті құқықтық қамтамасыз ету, цифрлық қоғам жағдайындағы ақпараттық қауіпсіздік, COVID-19 пандемиясы жағдайында биологиялық қауіпсіздікті қамтамасыз ету, жаппай қырып-жою қаруын таратпау және жанталаса қарулану мәселелері қамтылды.

• 05.11.2020
• 345