«Өзара ынтымақтастық туралы» меморандумға қол қойылды

2020 жылғы 29 қазанда Қазақстан Республикасының Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорны және «Қазақстан заңгерлерінің одағы» Республикалық қоғамдық бірлестігі арасында «Өзара ынтымақтастық туралы» меморандумға қол қойылды.

 «Өзара ынтымақтастық туралы» меморандум құқық саласында және ғылымның басқа да салаларында бірлескен іргелі және қолданбалы ғылыми зерттеулер жүргізуде, бірлескен ғылыми іс-шараларға (ғылыми-практикалық конференциялар, дөңгелек үстелдер, семинарлар, вебинарлар және т.б.) қатысуда, заңнаманың және оны қолдану практикасының тиімділігіне талдау жүргізуде, сондай-ақ өзге де бірлескен іс-шараларды ұйымдастыруда өзара іс-қимылды көздейді.

Меморандумға қол қою барысында «Қазақстан заңгерлер одағы» Республикалық қоғамдық бірлестігінің төрағасы Ақылбай Серік Байсеитұлы және Қазақстан Республикасы Әділет министрлігі Қазақстан Республикасының Заңнама және құқықтық ақпарат Институтының директоры Сәрпеков Рамазан Құмарбекұлы жақын болашақта бірлескен жоспарларды іске асыру мәселелерін талқылады.

• 05.11.2020
• 398