Қорғаныс министрлігі әскери оқу орындарының тауарларды өткізу жөніндегі ақылы қызмет түрлерін көрсету қағидаларына өзгерістер енгізіледі

Қорғаныс ведомствосы «Қазақстан Республикасы Қорғаныс министрлігі әскери оқу орындарының тауарларды (жұмыстарды, көрсетілетін қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, көрсетілетін қызметтерді) өткізуден түскен ақшаны жұмсау қағидаларын бекіту туралы» Қазақстан Республикасы Қорғаныс министрінің 2018 жылғы 3 қарашадағы № 751 бұйрығына өзгерістер енгізу туралы» Қазақстан Республикасы Қорғаныс министрі бұйрығының жобасын әзірледі.

Бұйрық жобасында әскери жоғары оқу орындары көрсететін ғылыми қызметтің ақылы түрлерінің тізбесін кеңейту, атап айтқанда әскери жоғары оқу орындарының ғылыми зерттеулер нәтижелеріне зияткерлік құқықтар беру (коммерцияландыру) және ғылыми сүйемелдеу жөніндегі қызметтер көрсету және ақылы негізде қызметтер көрсету тәртібін айқындау көзделеді.

Ережелерді қабылдау қосымша ақшалай қаражаттың түсуін қамтамасыз етеді. Олар өз кезегінде әскери жоғары оқу орындарының ғылыми-эксперименттік және оқу-материалдық базаларын нығайтуға жұмсалатын болады.

Құжаттың толық мәтінімен 2022 жылғы 14 маусымға дейін ашық нормативтік құқықтық актілердің интернет-порталында сілтеме арқылы танысуға болады: https://legalacts.egov.kz/npa/view?id=14110041.

• 01.06.2022
• 246