Аймақтағы бизнес өкілдерімен кеңейтілген кеңес

Бүгін аймақтағы бизнес өкілдерімен кеңейтілген кеңес өткіздім.
Кездесу барысында мемлекеттік органдардың басшыларының, бизнес-қоғамдастық өкілдерінің өзекті мәселелері бойынша баяндамасын тыңдадым.
Бәрімізге белгілі, өткен екі жыл ішінде бизнес-қауымдастық бірқатар қиындыққа тап болды, олардың негізгілері пандемияға байланысты шектеулер. Осыған қарамастан, облыс кәсіпорындары өндірістің қажетті қарқынын қамтамасыз етіп, жұмыс орындарын сақтап қалды, ал біздің өңір өзінің экономикалық және өнеркәсіптік әлеуеті деңгейі жоғары екенін растады.
Облыс өнеркәсібінің дамуына ірі кәсіпорындар ғана емес, шағын және орта бизнес те үлес қосатынын атап өту қажет. ШОБ субъектілері шығаратын өнімнің төрттен бір бөлігі өңдеуші өнеркәсіпке тиесілі.
Облыста өнеркәсіп өнімдерін өндірумен 864 кәсіпорын айналысады, оларда 42 мыңға жуық адам жұмыс істейді.
Биылғы жылдың 4 айының қорытындысы бойынша өнеркәсіп кәсіпорындары 793,1 млрд.теңге сомасына өнім өндірді, бұл өткен жылдың сәйкес кезеңімен салыстырғанда 18,2%-ға жоғары, өнеркәсіптің нақты көлем индексі 101,5%-ды құрайды.
Биыл «шағын және орта кәсіпкерлік субъектілерін өңірлік қаржыландыру» жаңа бағытын іске қосу жоспарлануда, ол ШОБ субъектілеріне 500 млн.теңгеге дейінгі сомада қолданыстағы мемлекеттік бағдарламалардан (1-4%) төмен түпкілікті мөлшерлемемен несие беруді көздейді.
Мемлекеттік қолдауды жетілдіру бойынша қабылданып жатқан шаралар кәсіпкерлікті, оның ішінде ауылдық жерлерді де дамытуға елеулі серпін бергенін атап өту қажет.

• 02.06.2022
• 272