Құрметті мәдениет және өнер саласының қызметкерлері!

Құрметті мәдениет және өнер саласының қызметкерлері!

Баршаңызды кәсіби мерекелеріңізбен құттықтаймын!

Сіздердің жұмыстарыңыз ерекшеліктерге толы. Кез келген адамның қолынан келе бермейді.
Еліміздің рухани тірегі – ұлттық құндылықтарымыз, мәдениетіміз, әдебиетіміз болса, Сіздер ғасырлар бойы атадан балаға мұра болған асыл қазынамызды өскелең ұрпаққа жеткізу жолында аянбай еңбек етіп келесіздер. Түрлі өнер аламандарында еліміздің, облысымыздың беделін биіктетіп, намысын жоғары деңгейде қорғап жүрсіздер.

Мәдениет пен руханият – адамзат әлемінің айнасы десек, елімізде, өңірімізде бұл салада еңбек етіп жүрген мамандарға артылған сенім мен жауапкершілік жүгі жеңіл емес. 

Облысымыздағы 5000-нан аса мәдениет қызметкері де осы мерейлі міндетті абыройлы атқаруда.

Кәсіби мерекелеріңізбен құттықтай отырып, Сіздерге шығармашылық шабыт, сәттілік тілеймін! Дендеріңіз сау болып, шаңырақтарыңыздан шаттық арылмасын!

• 07.06.2022
• 229