Зиялы қауым өкілдерімен кездестім

Бүгін бірқатар зиялы қауым өкілдерімен кездестім. Кездесуде облыстың мәдени-рухани бағытында атқарылып жатқан жұмыстарға қысқаша тоқталып, жиналғандардың түрлі ой-пікірлерін тыңдадым.

Сондай-ақ, еркін форматта өткен басқосуда Халық жазушысы Шерхан Мұртазаның 90 жылдық мерейтойын лайықты атап өту мәселесі қаралды.

Тұлғаның ескерткішін орнату бойынша түрлі ұсыныстар айтылды. Қатысушылар тарапынан Жазушының мүсіні «Көне Тараз» кешенінде немесе Төле би даңғылы мен әл-Фараби көшесінің қиылысындағы алаңқайда бой көтергені дұрыс деген ойлар ортаға салынды.

Бұл мәселе жан-жақты сараланатын болады. Осы бойынша құрылған комиссия құрамына зиялы қауым өкілдерінің де енуі маңызды. Әлеуметтік желідегі қоғам өкілдерінің де пікірлері ескеріледі.

Жиында қаламгерлерді қолдау, олардың кітаптарын шығару, әдеби шаралар ұйымдастыру және тағы да басқа мәселелер көтерілді.

Барлық ұсыныстар назарға алынатын болады.
Алдағы уақытта да өңірдің мәдени-рухани саласына қатысты өзекті мәселелер бойынша шешім қабылдарда жан-жақты талқылап отыруға тиіспіз.

• 07.06.2022
• 252