Бүгін халықаралық, республикалық олимпиадалар мен ғылыми жарыстардың жеңімпаздары және жүлдегерлері атанып жүрген облысымыздың бір топ дарынды оқушылармен кездестім.

Бүгін халықаралық, республикалық олимпиадалар мен ғылыми жарыстардың жеңімпаздары және жүлдегерлері атанып жүрген облысымыздың бір топ дарынды оқушылармен кездестім.

Кездесу барысында талантты өрендерімізбен еркін диалог құрып, жылы шырайда әңгіме өрбіттік.

Жүзден жүйрік, мыңнан дара шығып жүрген оқушыларымыз өз ойларын ашық айтып, қызықты сауалдарын жолдап, жауаптар ала білді.

Жалпы, жамбылдық дарынды оқушыларымыз үнемі алдыңғы қатардан көрініп, аймақ намысын абыройлы қорғап келеді.  Биыл олар халықаралық, республикалық олимпиадалар мен ғылыми жарыстарда 187 медаль жеңіп алған. 

Оның ішінде 43 медальді халықаралық жарыстардан еншілеген. Республикалық ғылыми жобалар байқауында Жамбыл облысының командасы 13-ші жыл қатарынан бірінші орынды иеленіп келеді.

Тәуелсіздік жылдарында жамбылдықтар Дүниежүзілік пәндік олимпиадалардан 55 медаль жеңіп алып, республика бойынша жалпы командалық үшінші орынды иеленді. Мұның бәрі олардың ізденімпаздығы мен табандылығы және ұлағатты ұстаздарының жемісті еңбегінің нәтижесі.

Жастар – біздің болашағымыз. Олар жан-жақты дамыған, спортты серік еткен, өз елінің патриоты болғанда ғана Отанымыз гүлдене түседі.

Кездесуде дарынды оқушылар мен олардың жетекші-ұстаздары марапатталды. Мемлекет жалынды жастарды қолдауға қашан да айрықша көңіл бөліп келеді.

• 07.06.2022
• 239