«Қазақстандық патриотизмді қалыптастыру мен дамыту: міндеттері мен болашағы»

Біз жас ұрпақтың бойында отаншыл патриотизмді, мемлекетшілдік сананы қалыптастыруға жаппай атсалысуымыз керек. Оларға сапалы біліммен бірге патриоттық тәрбие беру қай кезде де өзектілігін жоғалтқан емес.

Бүгін «Жастар сарайында» өткен «Қазақстандық патриотизмді қалыптастыру мен дамыту: міндеттері мен болашағы» тақырыбындағы облыстық жастар форумында айтылған ойлардың дені осыған негізделді.

Шара барысында облыстағы құқық қорғау және құзырлы орган басшылары, жалынды жастар сөз алып, тақырып аясындағы пікірлері мен ұсыныстарын жеткізді.

Жалпы, мемлекет тарапынан патриотизмді дамыту бағытында келелі шаралар атқарылып, ауқымды бағдарламалар жүзеге асуда.

Әскери-патриоттық тәрбие бағытындағы жұмыстар күн тәртібінен түспеуі тиіс. Бұл тұрғыда барлық жауапты орындардың бірлескен, күшейтілген жұмысқа негізделген жүйелі жоспарының болуы маңызды.

Елімізде балалардың, жастардың бос уақытын тиімді ұйымдастыруға, өзін-өзі жан-жақты дамытуға барлық жағдайлар жасалған. Ендігі кезекте, жастарымыз «Елім маған не берді деп емес, мен еліме не беремін» деген ұстаныммен, алға ұмтылуы, өз елінің патриоты болуы тиіс.

Расында, еліміздің ертеңі нұрлы, болашағы жарқын болуы үшін бүгінгі буын – жас ұрпақтың білімді, тәрбиелі әрі жаңашыл тұлға ретінде қалыптасуы шарт.

Форум барысында айтылған барлық мәселелер ескеріліп, ұсыныстар назарға алынады.

• 21.06.2022
• 273