Мемлекеттік қызметкерлер қоғамдық ұйым өкілдерімен кездесті

Батыс Қазақстан облысы әкімі аппаратының мемлекеттік қызметшілері үшін жобалық басқарудың үлгілік базалық бағыты шеңберінде "Қоғамдық сананы жаңғырту" жобалар тобының міндеттерін іске асыру мақсатында ҚР Жазушылар және Журналистер Одақтарының мүшесі, “Жайық үні” ЖШС газетінің бас редакторы, “Алаш” әдеби сыйлығының иегері Шүйіншәлиева Мира Хамзақызымен және БҚО Ішкі саясат басқармасы «Қоғамдық келісім» коммуналдық мемлекеттік мекемесі басшысының орынбасары, Орал қалалық маслихатының депутаты Туркина Айгүл Серікқызымен кездесу ұйымдастырылды.
Кездесу барысында Мира Хамзақызы «Рухани жаңғыру» бағдарламасының құндылықтары және мемлекеттік қызмет туралы әңгіме өрбітсе, Айгүл Серікқызы «Рухани жаңғыру» бағдарламасының мемлекеттік идеология саласындағы әлеуметтік маңызы туралы қаузады.
Сондай-ақ, қатысушылар өзара пікір алмасып, қонақтарға көкейлеріндегі сұрақтарын қойды.

• 24.06.2022
• 326