Бүгін Жан-Франсуа Мартонмен кездестім

Бүгін Дүниежүзілік банктің Қазақстандағы тұрақты өкілі Жан-Франсуа Мартонмен кездестім. Кездесуге ҚР Ұлттық экономика вице-министрі Абзал Әбдікәрімов қатысты.

Тараптар түрлі салалардағы екіжақты ынтымақтастықты нығайту мәселелерін талқылады. Жан-Франсуа Мартон өңірлік деңгейде, оның ішінде ауыл шаруашылығы саласында өзара тиімді серіктестікті одан әрі тереңдетуге мүдделі екендігін білдірді.

ҚР Ұлттық экономика вице-министрі тұрғындардың тұрмыстық табысын жақсарту мақсатындағы пилоттық жобаға айрықша көңіл бөлініп отырғандығын баса айтты. Жобаның ауқымын кеңейтіп, еліміздің барлық өңірлеріне тарату  шаралары қабылдануда.

Дүниежүзілік банктің Қазақстандағы жобалары мен бағдарламаларының үйлестірушісі Қанат Қайырберлі Қазақстанмен әріптестіктің 2020-2025 жылдарға арналған негіздемелік стратегиясының іске асу барысы туралы баяндады.

Сондай-ақ, кездесуде жол инфрақұрылымын, ирригациялық жүйелерді және әлеуметтік саланы дамыту жобалары талқыланды.

• 28.06.2022
• 273