Инвестициялық штабтың кезекті отырысын өткіздім

Бүгін менің төрағалығымен инвестициялық штабтың кезекті отырысы өтті. Оған бірқатар инвесторлар келіп, өздерінің ұсыныстары мен мәселелерін білдірді.  Ұсыныстар қатарында магний нитраты және магний сульфатын өндіретін зауыт салу, CaF2 - флюорит концентратын өндіру бойынша тау-кен байыту комбинатының құрылысын жүргізу, сүт фермасы, ауыл шаруашылығын цифрлық несиелеуге қатысты және тағы басқа жобалар болды.

Барлық ұсынылған жобалардың болашағы мен нәтижелігіне қатысты сұрақтар жолдап, жауаптар алдым. Тиісті тұлғаларға нақты міндеттер жүктеп, назарға алу, зерделеу, қажетті қолдауларды көрсету үшін жан-жақты жұмыстар жүргізуді тапсырдым.

Айта кетейік, бұған дейін инвестициялық штабтың  бес отырысы өткен болатын десек, басқосуда сол кеңестерде менің тапсырмаммен берілген хаттамалық тапсырмалардың орындалуы жайын қарадым. Ол туралы кәсіпкерлік және индустриялық-инновациялық даму басқармасының басшысы Аспандияр Сейсебаев баяндады.

Тапсырмалардың орындалу барысындағы кейбір мәселелер бойынша бірқатар басқармалар мен аудан әкімдерінің жеке-жеке жауаптарын тыңдадым. 

• 28.06.2022
• 231