Вице-министр Серік Егізбаев жұмыс сапарымен Көкшетау қаласына барды

АҚДМ Вице-министрі Серік Егізбаев өңірлік дін істері басқармасының және конфессияаралық қатынастарды талдау және дамыту орталығының қызметкерлерімен кездесті. Кездесу барысында саланың негізгі мәселелері талқыланды, сондай-ақ саланың проблемалық аспектілері қаралды. Сондай-ақ, вице-министр қыркүйек айында Нұр-Сұлтан қаласында өтетін Әлемдік және дәстүрлі діндердің VII Съезіне дайындық туралы айтты. Жұмыс сапары аясында вице-министр "Қоғамдық келісім" КММ, Солтүстік Қазақстан, Ақмола, Павлодар және Қостанай облыстарының ішкі саясат басқармалары басшыларының жартыжылдық жұмыс есебімен танысты; Ақмола облысының этномәдени бірлестіктерінің өкілдерімен және Қазақстан халқы Ассамблеясының журналистер клубының мүшелерімен жұмыс кеңесін өткізді. Ашық микрофон форматында өткен іс-шара барысында этносаралық қатынастар саласын дамытудың өзекті мәселелері жан-жақты талқыланды.

• 04.07.2022
• 248