Медиа заңнаманы қайта қарау жөніндегі жұмыс тобының бірінші отырысы өтті

КАЗГЮУ-де бұқаралық коммуникация құралдарының қызметін реттейтін заңдарды қайта қарау жөніндегі жұмыс тобының бірінші отырысы өтті. Онлайн және офлайн форматта өткен іс-шараның ұйымдастырушысы - ҚР Ақпарат және қоғамдық даму министрлігі.

Жұмыс тобының мүшелері ҮЕҰ, БАҚ, жарнама агенттіктерінің өкілдері және бұқаралық ақпарат саласындағы сарапшылар болды.

ҚР Ақпарат және қоғамдық даму министрі Асқар Омаров медиа заңнаманы қайта қарау жөніндегі негізгі тәсілдер туралы айтып берді.

«Медиа салада журналистердің құқықтық мәртебесін арттыру, коммуникацияның жаңа түрлерінің қызметін құқықтық жағынан реттеу, жарнаманың кейбір аспектілері, сондай-ақ назар аударуды талап ететін басқа да мәселелер бар» - деп атап өтті министр.

Жұмыс тобының мүшелері мен сарапшылардың талқылауының басты тақырыбы министрлікке келіп түскен ұсыныстар, атап айтқанда жаңа медиа мен бұқаралық коммуникациялардың құқықтық нысанын енгізу, БАҚ тіркеуді қайта қарау болды. Сондай-ақ қатысушылар журналистердің мәртебесін көтеру, талап қою мерзімін белгілеу, сұрау салуды қарау мерзімдерін қайта қарау және т.б. мәселелерге назар аударды.

Бұл ретте жұмыс тобының мүшелері баспасөз қызметінің жұмысын күшейтуді, міндетті телеарналардың тізімін және басқа да мәселелерді қайта қарауды ұсынды.

Отырыс қорытындысы бойынша заң жобасын бірлесіп талқылауды және қарауды талап ететін бірқатар негізгі бағыттар әзірленді.

Сонымен қатар көптеген ұсынысты ескере отырып, жан-жақты талқылау үшін жұмыс тобын шағын топтарға бөлу туралы шешім қабылданды.

• 04.07.2022
• 308