Павлодар облысының әкімі БАҚ қызметкерлерін кәсіби мерекелерімен құттықтады

Бұқаралық ақпарат құралдары қызметкерлері күні қарсаңында Әбілқайыр Сқақов өңір журналистерімен бейресми жағдайда кездесті.

Облыс әкімі павлодарлық журналистердің медиа-кеңістікті дамытуға қосқан ерекше үлесін атап өтіп, оларға өңір тұрғындарына шынайы әрі нақты ақпарат ұсынатындары үшін алғыс айтты.

 - Осы мүмкіндікті пайдалана отырып, сіздерге коронавирус пандемиясы кезінде  атқарған жұмыстарыңыз үшін алғыс айтқым келеді, - деді Әбілқайыр Сқақов. - Сіздерде ең объективті және сенімді ақпаратты жеткізу үшін қуатты қару, әлеует және барлық қажетті қасиеттер бар. Бас редакторлардан бастап инженерлер, корректорлар мен фотографтар сияқты барлық журналистерді кәсіби мерекемен құттықтап, зор денсаулық пен табыс тілеймін.

Өңір басшысы павлодарлық журналистиканың мықты дәстүрлерін қалыптастырған ардагерлерді де атап өтті.

Әбілқайыр Сқақов журналистерге Мемлекет басшысы Қасым-Жомарт Тоқаевтың Алғыс хаттарын табыс етті. Олардың қатарында «Qazaqstan» ұлттық телеарнасының меншікті тілшісі Болат Аманбаев, «Ертіс Медиа» ЖШС-ің бөлім басшысы Ризабек Исабеков, журналист әрі блогер Салауат Темірболатұлы, «Ертіс Медиа» ЖШС директоры Аида Хамзина бар.

Бірқатар облыстық БАҚ өкілдері "Облысқа сіңірген еңбегі үшін" төсбелгісімен, облыс әкімінің Құрмет грамоталарымен және алғыс хаттарымен марапатталды. Жиырма журналист облыс әкімінің гранттарын алды.

Журналистика ардагерлері Юрий Поминов пен Фарида Бықай облыс басшылығына белсенді ынтымақтастығы мен қолдауы үшін алғыс білдірді.  Мереке қарсаңында Юрий Поминов «Ratel.kz» порталының меншікті тілшісі Ольга Воронькоға «Қазақстанның құрметті журналисі» белгісін табыс етті.

Іс-шараны Иса Байзақов атындағы облыстық филармонияның әртістері Анель Қанатова, Мадияр Бахтияров және Ризабек Сапаров жалғастырып, қонақтарға мерекелік көңіл-күй  сыйлады.

• 05.07.2022
• 330