Астана күнімен құттықтау!

Бәріңізді елордамыз - Нұр-Сұлтан қаласының күнімен құттықтаймын!

Бұл мереке ел азаматтарының бірлігі мен тәуелсіз Қазақстанның үздіксіз дамуын айшықтайды. 

Биыл астанамыздың 24-жылдығын атап өтеміз. Ширек ғасырға жуық уақыт ішінде елордамыз қарыштап дамып, қарқынды өркендеу жолына түсті. Қазіргі кезде Нұр-Сұлтан қаласы еліміздің әкімшілік және іскери орталығына айналды. Бас қалада экономикалық, ғылыми-техникалық және әлеуметтік маңызы бар шаралар өткізіліп, ірі жобалар жүзеге асырылып, ондаған мың жұмыс орындары құрылып жатыр.  

Еліміздің әр түкпірінен ағылған жүздеген мың отандастарымыз, олардың қатарында, Павлодар облысының тұрғындары да астанамыздың өркендеуі мен гүлденуіне қомақты үлес қосты.  

Қуанышты мереке күні өңір халқына мықты денсаулық, жарқын жетістіктер мен құт-береке тілеймін. Елордамыз жарқырап, жайнай берсін!

Мереке құтты болсын!

• 05.07.2022
• 317