Ұлттық қауіпсіздік қызметкерлерін марапаттадым

Бүгін Қазақстан Республикасы Ұлттық қауіпсіздік органдарының құрылғанына 30 жыл толуына арналған салтанатты шараға қатыстым. 

Аймақ басшысы ретінде өңірдегі сала қызметкерлерін кәсіби мерекелерімен құттықтап, олардың жұмысының маңыздылығына тоқталдым. 

Бұдан соң бірқатар үздік қызметкерлерді марапаттадым. Атап айтсақ, ҚР Ұлттық қауіпсіздік комитеті Жамбыл облысы бойынша департаментінің бастығы, полковник Нұрлан Кәрібжановқа «Облысқа сіңірген еңбегі үшін» белгісін табыстаса, подполковник Еділ Аманбеков, майор Ербол Сабденбеков, капитан Бауыржан Бақбергенов, капитан Асан Наурызбаев облыс әкімінің «Құрмет» грамотасына ие болды.

Жиында Өңірлік Үйлестіру кеңесінің төрағасы, Жамбыл облысының прокуроры Нұрғалым Әбдіров, Ұлттық қауіпсіздік комитеті Жамбыл облысы бойынша департаментінің бастығы Нұрлан Кәрібжанов та құттықтау сөз сөйледі.

• 15.07.2022
• 274