Екібастұзда ұсталық-құрсаулау бұйымдар шығаратын зауыт іске қосылады

Павлодар облысының әкімі Әбілқайыр Сқақов локомотив құрсауларын өндіретін зауыт құрылысын іске қосу процесіне қатысты. Кешен жаңа жұмыс орындарының ашылуын қамтамасыз етумен бірге, өңірдің темір жол кластерінің әлеуетін арттырады деп күтіліп отыр. 

Жоба инвестордың 27,4 млрд теңге жеке қаражаты және «Өнеркәсіпті дамыту қоры» АҚ-ың 47,2 млрд теңге көлеміндегі несие қаржысы есебінен салынып жатыр. Ішкі нарықтан бөлек, «Railcast Systems» ЖШС-ің өнімі Ресейге экспортқа шығарылады. Жобаның қуаттылығы жылына 160,9 мың бұйымды құрайды. 

«Осындай жобалардың көмегімен Екібастұздың экономикасын бейтараптандырып,  қаланың отын-энергетикалық кешенге тәуелділігінен арылуды жоспарлап отырмыз. Қазір жергілікті темір жол кластерін дамытудың берік негізі құрылып жатыр. Мұның дәлелі - Екібастұзда темір жолдың жоғарғы құрылысының 73%-ы өндірілетіндігінде», - деп атап өтті Әбілқайыр Сқақов. 
 
Зауыттың құрылысын 2024 жылы аяқтау жоспарланып отыр. Кәсіпорынның құрылтайшысы Сергей Павлингердің айтуынша екі жыл ішінде 100 адам уақытша жұмысқа орналасса, тағы 366 маман тұрақты жұмыс орындарымен қамтылады. Темір жол кластерін қалыптастыруды аяқтау үшін қуаттылығы жылына бір миллион тонна болатты құрайтын болат құю зауытының құрылысын бастау жоспарлары бар. 

Өткен жылы Екібастұздағы «Проммашкомплект» ЖШС-і темір жол дөңгелектері жұптарының өндіріс көлемін 200-ен 300-ге дейін ұлғайтты. Кәсіпорында темір жол осьтері өндіріледі, сондай-ақ, Мемлекет басшысы темір жол клеммаларының өндірісінің ашылуына қатысқан еді.

• 15.07.2022
• 313