Қорғаныс министрінің кейбір бұйрықтарына өзгерістер енгізілуде

Қорғаныс министрлігінің Әскери білім және ғылым департаменті «Қазақстан Республикасы Қорғаныс министрінің кейбір бұйрықтарына өзгерістер мен толықтырулар енгізу туралы» қорғаныс ведомствосы басшысы бұйрығының жобасын әзірледі.

Құжатта «Қазақстан Республикасы Қорғаныс министрлігіне ведомстволық бағынысты әскери оқу орындарында білім алушылардың үлгеріміне ағымдағы бақылауды, оларға аралық және қорытынды аттестаттауды жүргізу қағидаларын бекіту туралы» Қорғаныс министрінің 2016 жылғы 22 қаңтардағы № 32, «Орта білім беру ұйымдарын қоспағанда, Қазақстан Республикасының Қорғаныс министрлігіне ведомстволық бағынысты әскери оқу орындарында оқулық басылымдары мен оқу-әдістемелік кешендерді дайындау, сараптау, сынамақтан өткізу, басып шығару және оларға мониторинг жүргізу жөніндегі жұмыстарды ұйымдастыру қағидаларын бекіту туралы» және «Қазақстан Республикасы Қорғаныс министрлігіне ведомстволық бағынысты әскери оқу орындарында білім алушылардың кәсіптік практикасын және тағылымдамасын ұйымдастыру және одан өту қағидаларын бекіту туралы» 2016 жылғы 22 қаңтардағы № 36 қаулыларына сәйкес жүзеге асырылады.

Нормативтік құқықтық құжат Қорғаныс министрлігіне ведомстволық бағынысты әскери оқу орындарының білім беру қызметінің ұйымдастырушылық-құқықтық рәсімдерін жетілдіруге бағытталып отыр.

Бұйрық жобасының толық мәтінімен «Электрондық үкімет» порталының «Ашық НҚА» бөлімінде осы жылдың 28 шілдесіне дейін мына сілтеме арқылы танысуға болады: https://legalacts.egov.kz/npa/view?id=14151927 

• 16.07.2022
• 309