Кинологиялық қызметті ұйымдастыру қағидалары бекітіледі

Бас әскери полиция басқармасы Қазақстан Республикасы Қарулы күштері әскери полиция органдарының кинологиялық қызметін ұйымдастыру қағидаларын бекітуге дайындады.  

Бұл рәсім оларды Қазақстан Республикасы Үкіметінің 2022 жылғы 2 маусымдағы қаулысымен бекітілген Қазақстан Республикасының Қорғаныс министрлігі туралы Ереженің 15-тармағының 157) тармақшасына сәйкес келтіру қажеттілігінен туындап отыр.

Ереже қызметтік иттерді қолдану жөніндегі міндеттерді айқындайды және ҚР Қарулы күштері Әскери полиция органдарының кинологиялық қызметінің жұмысын регламенттейді.

Бұйрық жобасының толық мәтінімен «Электрондық үкімет» порталының «Ашық НҚА» бөлімінде ағымдағы жылдың 29 шілдесіне дейін мына сілтеме бойынша танысуға болады: https://legalacts.egov.kz/npa/view?id=14152647

• 16.07.2022
• 254