Әскери қызмет қауіпсіздігін қамтамасыз ету ережесі қайта бекітіледі

Қорғаныс министрлігінің Әскери полиция бас басқармасы «Қазақстан Республикасының Қарулы күштерінде әскери қызмет қауіпсіздігін қамтамасыз ету қағидаларын бекіту туралы» Қорғаныс министрі бұйрығының жобасын дайындады.

2022 жылғы екінші маусымда Үкіметтің № 357 қаулысымен Қорғаныс министрлігі туралы ереженің жаңа редакциясы қабылданған болатын. Осыған байланысты, 15-тармақтың 167-тармақшасына сәйкес жоғарыда көрсетілген бұйрықтың күші жойылды және қайта бекітуге жатады.

Ережеде әскери қызметтің қауіпсіздігін қамтамасыз ету және әскери қызметшілердің өмірі мен денсаулығына зиян келтірудің алдын алу жөнінде әскери басқару органдары қабылдайтын іс-шаралар кешені көрсетілген. 

Бұйрық жобасының толық мәтінімен «Электрондық үкімет» порталының «Ашық НҚА» бөлімінде биылғы жылдың 1 тамызына дейін мына сілтеме арқылы танысуға болады: https://legalacts.egov.kz/npa/view?id=14154810

• 18.07.2022
• 289